მაია ცქიტიშვილმა GIZ-თან თვითმმართველობის სფეროში მიმდინარე რეფორმებზე ისაუბრა
ძებნა
მაია ცქიტიშვილმა GIZ-თან თვითმმართველობის სფეროში მიმდინარე რეფორმებზე ისაუბრა
1 მაისი 2018რეგიონული განვითარებისა და ინფრასტრუქტურის მინისტრი მაია ცქიტიშვილი, გერმანიის საელჩოს წარმომადგენელს დანიელ ჰაასს და გერმანიის საერთაშორისო თანამშრომლობის საზოგადოების GIZ-ის ხელმძღვანელს როლანდ შტრაურერს შეხვდა.
მხარეებმა ადგილობრივი თვითმმართველობის სფეროში მიმდინარე რეფორმებზე, უკვე განხორციელებულ ერთობლივ პროექტებსა და სამინისტროსა და გერმანულ მხარეს შორის თანამშრომლობის გაღრმავებაზე ისაუბრეს.
შეხვედრაზე განიხილეს ადგილობრივი თვითმმართველობის პროგრამის ფარგლებში GIZ-ის მიერ საქართველოში 2018 წელს დაგეგმილი აქტივობები, მათ შორის - მუნიციპალური ადმინისტრირების მოდერნიზების საკითხი. საუბარი ასევე შეეხო თვითმმართველობის განვითარებასა და დეცენტრალიზაციის მნიშვნელობას ადგილობრივ დონეზე.
საქართველოს რეგიონული განვითარებისა და ინფრასტრუქტურის სამინისტრო და გერმანიის საერთაშორისო თანამშრომლობის საზოგადოება (GIZ) უკვე მრავალი წელია აქტიურად თანამშრომლობენ თვითმმართველობების მოხელეთა გადამზადებისა და ტრენინგების კუთხით.
შეხვედრაზე მხარეებმა გამოთქვეს იმედი, რომ თანამშრომლობა ორ უწყებას შორის მომავალშიც გაგრძელდება და წარმატებული იქნება.
